Flott fótboltaveður á Akureyri

Íslandsbankamótið fer vel af stað í blíðskaparveðri eins og oft er í Þorpinu. Nú síðdegis gerði dálitla hitaskúr en klukkan 18 var 19 stiga hiti og hægviðri. Gerist varla betra til að spila fótbolta. Spáin er svipuð á morgun, örlítið kaldara en blíðviðri. Á sunnudag gætu komið skúrir en það verður þá bara til að gera leikina skemmtilegri.

Fyrsta mótsdegi lýkur með pizzuveislu fyrir keppendur, fararstjóra og þjálfara kl. 19.30 í Hamri, félagsheimili Þórsara. 

Kl. 21 verður fundur með fararstjórum og þjálfurum í Hamri.

Sundlaugin í Glerárskóla er opin keppendum til kl. 21.00 í kvöld, föstudagskvöld. Þau mistök urðu við prentun handbókar að þar stendur að á morgun verði laugin opin til 20.00 en hið rétta er að sundlaugin verður opin 9.00-18.00 á laugardag. Við biðjumst velvirðingar á þessum mistökum.

Fyrstu úrslit

Jæja þá er mótið hafið í sannkölluðu blíðskapar veðri hér á Þórssvæðinu. Við ætlum að uppfæra hér mjög reglulega úrslit og stöðu í riðlum á mótinu. Með því að smella á nýjustu skrána getið þið séð fyrstu úrslit dagsins.

Skrár tengdar þessari bloggfærslu:

• Nýjustu úrslit

Komið að því...

Sæl öll sömul,

Jæja þá er mótið alveg að fara að bresta á og bíðum við mjög spennt eftir því hvernig til tekst. Veðrið virðist ætla að vera okkur ágætt þessa helgina en spáð er nokkuð stilltu veðri og 10-13 stiga hita sem er nú bara fínt miðað við árstíma.

Með þessari færslu er endanleg útgáfa af leikjaplani og riðlaskiptingu. Vakin er athygli á því að KS/Leiftur í kvk boltanum og KS í karlaboltanum fá að nota leikmenn úr 3.flokki til að fylla í sín lið en teljast þá jafnframt til gestaliða þegar kemur að úrslitariðlum (það sama gildir um Þórsdömur í karlaboltanum). Liðin teljast ekki til gestaliða í hraðmótinu þar sem við viljum að þau lendi á "réttum" stað miðað við styrkleika. Það kemur jú ekki að sök því keppt er um bikar og gullverðlaunapeninga í öllum úrslitariðlum. Engin silfur og bronsverðlaun eru veitt.

Hér má nálgast allar helstu upplýsingar um mótið:

 

 

Skrár tengdar þessari bloggfærslu:

• Handbókin (dagskrá)
• Íslandsbankamót - leikjaniðurröðun
• Íslandsbankamót - riðlar

Nýtt leikjaplan

Því miður þurfti að breyta leikjaplaninu. Breytingarnar koma til af því að mótið verður spila á þremur völlum en ekki fjórum. Fjöldi liða og leikja hefur ekki breyst og einungis er um að ræða litlar tilfærslur í mínútum talið.

Ef ekkert kemur upp á og engar stórvægilegar athugasemdir berast er hér um að ræða endanlegt leikjaplan :)

kveðja, Jónsi mótsstjóri

Skrár tengdar þessari bloggfærslu:

• Íslandsbankamót - leikjaniðurröðun

Leikjaplan og riðlar tilbúin

Sæl öll sömul,

Þá eru drög að riðlum og leikjaplani tilbúin. Ef engar athugasemdir berast þá er þetta endanleg niðurröðun. Tvö lið drógu sig út úr karlamótinu á síðustu stundu þegar ég var búinn að raða mótinu en með snarræði þá tókst að bjarga málum þar og mótið lítur eins og ég hef áður sagt hér mjög vel út.

Nú treystum við hins vegar algjörlega á að engin hellist úr lestinni úr þessu!

Vakin er athygli á því að ekki er spilað með a- og b-liða fyrirkomulagi heldur er spilað fyrst með hraðmótsfyrirkomulagi og svo er skipt í úrslitariðla. Með því fyrirkomulagi fá liðin fleiri andstæðinga, mótið verður fjölbreyttara og leikirnir jafnari þegar komið er í úrslitariðlana þar sem leiktíminn er lengri.

Eins og þið sjáið á leikjaniðurröðuninni er miðað við að unglingarnir okkar þurfi aðeins meiri svefn en gengur og gerist á svona mótum og því byrjað seinna á morgnanna að spila :)

Dagskráin fyrir mótið sjálft er ekki alveg klár en ljóst er að pizzuveilsan er á föstudagskvöldi og ballið laugardagskvöldinu.

Þið smellið á skrárnar sem fylgja þessari færslu til að sjá riðlana og leikjaplan. 

Hlökkum til að sjá ykkur öll, vonandi verður veðrið eins frábært og það hefur verið hér undanfarna daga á Akureyri!

Skrár tengdar þessari bloggfærslu:

• Íslandsbankamót - riðlar
• Íslandsbankamót - leikjaniðurröðun

Leikjaniðurröðun tilbúin á mánudag

Sæl verið þið öllsömul. Leikjaniðurröðun fyrir Íslandsbankamótið verður tilbúin í síðasta lagi á mánudag. En vonandi getum við sett hana hér inn fyrr.

Óhætt er þó að upplýsa að mótið lítur vel út og er alveg tryggt að þeir sem þátt í því taka fá mikla skemmtun og góða helgi.

kveðja, mótsstjóri.

Fleiri lið skráð en í fyrra

Allt lítur vel út með Íslandsbankamótið í ár. Fleiri lið eru skráð en í fyrra og er stefnt að því að lágmarki taki 6 lið þátt í hverri keppni, eins og staðan er núna lítur vel út með það. Ef framheldur sem horfir er því um að ræða stærsta Íslandsbankamótið til þessa!

Frá og með næstu viku ættu svo að fara að berast nánari upplýsingar um mótið hér á síðuna.

Endilega sendið tölvupóst ef einhverjar spurningar vakna. [e-mail]

mbk, Jónsi mótstjóri

Íslandsbankamót 4. fl. karla og kvenna 10.-12. september 2010

Dagana 10. – 12. september 2010 heldur knattspyrnudeild Þórs árlegt knattspyrnumót fyrir
4. flokk karla og kvenna. Mótið er eingöngu fyrir þennan aldurshóp og dagskrá mótsins
unnin með þennan aldur í huga, sannkallað fótboltapartí!

Mótið er haldið í samvinnu við og með stuðningi Íslandsbanka. Spilaður verður 11 manna bolti í A og B- liðum. Allir leikir fara fram á svæði Þórs. Leiktími verður 2 x 25 mínútur.

Áætlað er að mótið hefjist uppúr hádegi föstudaginn 10. september og ljúki sunnudaginn
12. september. 

Að venju verður mótsgjald með því lægsta sem þekkist á svona mótum kr. 8.000 á hvern keppanda. Fararstjórar og þjálfarar greiða aðeins helminginn af því gjaldi.

Innifalið í mótsgjaldinu er keppnisgjald, gisting, morgunmatur laugardag og sunnudag, pizzuveisla föstudag, hádegissnarl á laugardegi, kvöldmatur á laugardegi og pylsur á sunnudegi. Sund föstudag, laugardag og sunnudag og diskótek í Síðuskóla á föstudeginum.

Markmið með þessu móti er að lengja keppnistímabilið hjá 4. fl. karla og kvenna, spila fótbolta og hafa gaman af lífinu! Skemmtilegur endir á sumrinu.

Skráning og upplýsingar  í síma 8666812 Jónsi eða 8638407 Palli Gísla

Knattspyrnudeild Þórs   

Íslandsbankamót Þórs 2010

Góðan dag,

Íslandsbankamót Þórs 2010 verður haldið í byrjun september á Þórssvæðinu. Spilaður verður 11 manna bolti í 4.flokki karla og kvenna. Nánari upplýsingar koma hér inn á síðuna í dag eða á morgun.

kveðja, mótsstjórn.

Íslandsbankamót Þórs 2009 - Dagskrá

Föstudagur

15:00 - 18:00           Móttaka liða í Glerárskóla, Sigurjón Magnússon mótsstjóri.

Liðin ganga frá mótsgjaldi í Hamri á 2. hæð.

16:00                         Leikir hefjast á Þórsvelli

19:30                         Pizzuveisla hefst í Hamri

20:30                         Diskótek í Síðuskóla

Laugardagur

08:30 - 10:00           Morgunmatur í Glerárskóla

10:00                         Leikir hefjast á Þórsvelli

12:30 - 14:30           Hádegishressing í Hamri

18:00 - 20:00           Matur í Glerárskóla

Sunnudagur

08:30 - 10:00           Morgunmatur í Glerárskóla

10:00                         Leikir hefjast á Þórsvelli

14:10                         Verðlaunaafhending og mótsslit við Hamar

14:30                         Grill við Hamar

Aðkomulið hafa aðsetur í Glerárskóla.

Mælst er til þess að liðin séu viðstödd verðlaunaafhendingu

Ró á að vera komin á svefnstað kl. 24:00

Sundlaug í Glerárskóla er opin föstudag til kl. 21:00,

laugardag frá 9:00-14:30 og sunnudag 9:00-14:30.